باكج فل ضحك

لعبة من هو

محتويات اللعبه :

٣٠ بطاقه

بعضهم بطاقات صفات

وبعضهم بطاقات تحديات

طريقة اللعب :

اللاعب يسحب بطاقة ويسأل السؤال الموجود.

الباقي يجاوبون: “منو فيه هالصفة؟”

أو ممكن تكون بطاقة تحدي وتشوفون من أسرع واحد يسوي التحدي (مافي فوز او خساره مجرد ضحك)

تقدرون بعد تلعبونها بأن البطاقات تدور بين اللاعبين وكل واحد يقرأ السؤال.

لعبة فتش عدل

محتويات اللعبه :

صور منوعه

مجموع الصور كامل ١٠ صور

أقلام للحل

طريقة اللعب :

كل لاعب له صوره

وكلمات تحت الصوره

اللاعب لازم يطلع الاشياء المطلوبه

من الصوره!

الفايز هو الي يخلص صورته أول واحد

لعبة جاوب غلط

محتويات اللعبه :

بطاقات اسئله

طريقة اللعب :

لاعب يسأل أو البطاقات تدور على اللاعبين

الشرط: الجواب يكون غلط لكن منطقي.

مثال:

سؤال: شنو لون البرتقالة؟

جواب “مستطيل” ❌ (مو منطقي).

جواب “أصفر” ✅ (غلط بس منطقي).

لعبة الخبير

محتويات اللعبه :

بطاقات مواضيع مش منطقيه

طريقة اللعب :

اللاعب يسحب بطاقة مكتوب.

لازم يتفلسف فيه كأنه خبير.

مثال: “دور لابوبو في فلسفة أفلاطون”

ممكن يجاوب: “أفلاطون كان يقول إن الإنسان يبحث عن الانتماء، وهذا بالضبط اللي صار مع لابوبو…”

لعبة الفنان

محتويات اللعبه :

ورق مقوى

من قدام كلمة ومن ورا مكان للرسم

طريقة اللعب :

اللاعب يسحب ورقة ويشوف الكلمة (باقي اللاعبين ما يشوفون).

يحاول يرسم شيء يوصل المعنى.

الباقي يحاولون يخمّنون الكلمة.

مثال: كلمة “روضة أطفال” → يرسم يهال، ألعاب، ومعلمة.

لعبة الحرف الممنوع

محتويات اللعبه :

بطاقات فيها حرف وسؤال

طريقة اللعب :

اللاعب يسحب بطاقة .

البطاقة يكون فيها حرف ممنوع (مثلاً: حرف الباء).

لازم يجاوب على السؤال من غير ما يستخدم الحرف الممنوع.

إذا بالغلط قال الحرف… يطلع من الدور أو يخسر التحدي.

الباقي يكملون اللعب والضحك